講起阮兆祥，你又會諗起咩？小編第一時間諗到佢嘅招牌笑容「食字」爛Gag，佢嘅Gag未必好笑，但你只要聽到佢嘅笑聲，已經會俾佢篤到笑穴。佢一啲都唔介意「扮鬼扮馬」，男扮女裝入型入格，扮起上嚟仲同女藝人盧覓雪十足孖生姊妹。
美國隊長又扮。
左邊定右邊係阮兆祥？
扮乜似乜，其實都好有Heart！
效力咗無綫34年，人稱「祥仔」嘅「扮嘢王」阮兆祥原來已喺今個月滿約無綫，就連無綫官方網站的藝人欄亦未見其照片。
祥仔1984年參加第二屆全港十九區業餘歌唱比賽，終贏得季軍（冠軍為李克勤）入行，為咗爭取更高知名度，祥仔開始喺無綫電視做主持人，後來監製安排參與《歡樂今宵》，轉行搞笑路線。1997年曾短暫離開無綫出唱片，但出碟計劃最終因為唱片公司出現人事變動告吹。
80年代祥仔出過兩張個人大碟《序曲、另一半》及《我心深處》。
同年無綫監製梅小青搵佢回巢演出《樂壇插班生》。祥仔喺無綫參演過唔少角色，長壽處境喜劇《皆大歡喜》分別喺時裝版同古裝版飾演游念富及劉錦都非常入屋，可惜事業一直未見有大突破。直至監製劉家豪搵佢頂替當時患病嘅黎耀祥，出演《溏心風暴》凌波 (舅父波）一角，呢個角色顛覆咗佢以往搞笑形象，演技獲得觀眾肯定同讚賞。祥仔亦憑此角色贏得2007年萬千星輝頒獎典禮最佳男配角。
舅父波一角為佢贏得2007年萬千星輝頒獎典禮最佳男配角。
祥仔同時亦係無綫嘅「綜藝王」，曾擔任遊戲節目獎門人系列嘅「獎老」，又與汪明荃、李思捷同王祖藍主持節目《荃加福祿壽》，再次掀起「扮鬼扮馬」娛樂觀眾嘅熱潮，祥仔亦曾經憑綜觀藝節目兩度獲最佳節目主持。
荃加福祿壽》呢個組合都為佢帶嚟唔少工作機遇。
阮兆祥（左起）、李思捷同王祖藍呢個三人組合搞過《那些年，爆笑不離3兄弟》演唱會以及《福祿壽宇宙最長》演唱會。
《鐵甲無敵獎門人》擔任「獎老」，贏得2009年萬千星輝頒獎典禮的最佳節目主持。
日前祥仔到九龍灣出席頒獎活動承認3月約滿無綫，佢表示離開嘅決定已經醞釀咗半年左右，無綫亦曾經多次挽留：「喺TVB工作咗30年，多謝公司一直給予好多機會，不過想接受新挑戰。」佢仲講到今年同無綫暫時都冇合作計劃：「歌手出身嘅我將會出唱片，又計劃10月開演唱會，依家忙揀歌同拍MV。
祥仔出席活動承認3月約滿無綫！